İQNA-nın (Beynəlxalq Quran Xəbər Agentliyi) verdiyi xəbərə görə, Misrin paytaxtı Qahirə şəhəri dünyanın 73 ölkəsinin dini şəxsiyyətlərinin iştirak etdiyi konfransa evsahibliyi edir.
Misrin "Darul-İfta" (fətva evi) idarəsinin təşəbbüsü və Misr prezidenti Əbdülfəttah Sisinin dəstəyi ilə keçilrən "Fətva verilməsi məsələsində çağdaşlıq, nəzəriyyəçilik və əməl" adlanan bu konfrans dünən, həftənin ikinci günü, 16 Oktyabr 2018-ci il, başlayıb və üç gün davam edəcəkdir.
Konfransın açılış mərasimində Misrin baş müftisi Şövqi Ə`lam çıxış edib. Ondan sonra isə Misrin vəqflər naziri Məhəmməd Muxtar Cümə ölkənin baş nazirinin ismarıcını qiraət edib.
Konfrasın ilk günü müsəlman alimləri və müftiləri konfransın mövzusu və "ümumdünya fətva nizamnaməsi" barədə ayrılıqda iki iclas keçirirək müzakirə ediblər.