Kosovonun ən qədim 735 yaşlı məscidi
Minarəsinin kitabəsinə görə, Mlike məscidi 1289-cu ildə tikilib, 1822-ci ildə bölgə sakinlərindən biri olan "Əhməd Ağa" tərəfindən yenidən tikilib.
Məlumdur ki, Mlike məscidi ilk dəfə Hələb Müftiliyindən alınan sənəd əsasında Suriyanın Hələb şəhərindən olan bir ailə tərəfindən tikilib.
Ötən əsrlərdə dəfələrlə təmir edilən məscid bu gün Kosovo qurumları tərəfindən qorunur.
Zaman-zaman məsciddə imamlıq edən Nuhicə Tairovci "AA" müxbirinə verdiyi açıqlamada, Suriya səfirliyi vasitəsi ilə əllərində tərcümə edilmiş sənədin olduğunu, Mlike məscidinin sözügedən dövrdə tikildiyini açıq şəkildə ifadə etdi.
Tairovçi, deyib ki, "əlbəttə, tarixçilərin bunu araşdırması lazımdır, lakin əlimizdə olan məlumata görə, bu, mütləq Kosovo və Balkanların ən qədim məscididir".
Suriyadan gələn ailənin Mlike məscidini sırf özləri üçün tikdirdiyinə inanmadığını bildirən Tairovçi, o dövrdə bölgədə ibadət və namaz qılacaq başqa müsəlmanların da olduğunu bildirib.
