Jitihada za Mustafa Mahmoud za kuibua uelewa wa sayansi unaoambatana na Uislamu
Mustafa Mahmoud (Desemba 27, 1021- Oktoba 31, 2009) aliandika vitabu 89 katika uwanja wa tafsiri ya Qur'ani Tukufu na mawazo ya kidini.
Jina lake kamili lilikuwa Mustafa Kamal Mahmoud Hussein Al Mahfouz na alikuwa kutoka kizazi cha Imam Sajjad (AS), Imam wa nne wa Shia.
Alizaliwa katika Jimbo la Menofia na baadaye familia ilihamia Tanta. Aliishi katika nyumba iliyokuwa karibu na Msikiti wa Sayed al-Badwi na msikiti huo ulikuwa na ushawishi mkubwa juu ya mawazo yake katika maisha yake yote.
Alianza kujifunza usomaji wa Kiarabu na Qur'ani na baadaye akahifadhi Qur'ani Tukufu kikamilifu shuleni. Aliacha shule baada ya kuadhibiwa na mwalimu lakini alirudi baada ya miaka mitatu na kuendelea na masomo yake. Wakati huu alionyesha talanta kubwa katika masomo tofauti na baada ya kuhitimu kutoka shule ya upili akaenda chuo kikuu cha matibabu cha Cairo.
Alilazimika kuacha masomo katika chuo kikuu kwa miaka mitatu kwa sababu ya ugonjwa wa muda mrefu. Miaka hii mitatu pia ilikuwa na athari kubwa kwenye mawazo yake. Baadaye alianza tena masomo yake na kuhitimu kutoka chuo kikuu cha matibabu.
Baada ya miaka kadhaa ya shughuli katika taaluma ya matibabu, alianza kusoma katika dini, Quran Tukufu na uhusiano kati ya sayansi na imani.
Kitabu chake maarufu zaidi "Quran – Juhudi za Uelewa wa Kisasa" kilichapishwa mwaka wa 1970. Katika kitabu hiki, Mustafa Mahmoud anajaribu kutoa tafsiri mpya kulingana na maendeleo ya kisasa na kwa mujibu wa mahitaji ya leo. Anazungumzia masuala kama vile uumbaji, uamuzi, Halal na Haram na siku ya kiyama katika kitabu hiki.
Anajaribu kudhihirisha kiwango kikubwa cha muujiza wa Qur'an Tukufu na kwa kuzingatia hilo anatanguliza ufahamu mpya na tafsiri ya Aya. Kitabu kinaweza kuzingatiwa kama juhudi za kurekebisha nyanja ya kiroho na nyenzo.
